تخيل لو جه حد وسألك انت عملت ايه فى حياتك؟
يعنى عملت ايه فى الدنيا يستاهل يكون حاجه تفتخر انك عملتها.
تفتكر ساعتها ممكن تجاوبه بايه؟
طيب ما قبل ماحد يجى ويسألك ما تسال انت نفسك
رجع شريط حياتك كلها واتامل فى كل حاجه عملتها واسال نفسك اللى انا عملته فى حياتى ده يا ترى نفعنى انا على الاقل _بلاش نقول نفع الناس _واذا كانت اجابتك بنعم وقدرت تحقق حاجه فى حياتك تبقى انت واحد عارف انت عايز ايه وماشى كويس اما لو اجابتك بلا
اقعد شويه مع نفسك وقدامك ورقه وقلم وحاول تسأل نفسك شويه اسأله زى
انا عايز ايه؟
هوصل للى انا عايزه ازاى ؟
هسيب ايه فى الحياه من بعدى ؟
وهكذا واقعد وحاول تحط اجابات للاسئلة دى
ولازم تكون اجاباتك موضوعيه ومحايدةوصريحة
وبعد ما تجاوب على الاسئله دى وتعرف انت رايح فين وازاى
متقولش هو انا ممكن انجح او اوصل الى اللى انا عايزه
لا
قول انا هوصل وانا مش اقل من اى حد نجح من قبلى
وبعد ذلك يتبقى لك الفعل والفعل الايجابى كمان لازم تبذل مجهود علشان توصل الى اللى انت عايزه فى الحياة وبلاش تفكير سلبى وبلاش تشتم فى البلد والظروف
وخليك ايجابى ومتفائل ببكرة
وخليك فاكر انه افضل من ان تلعن الظلام ان تضئ شمعة
يالا قوم واعمل حاجه علشان لما حد يسالك انت عملت ايه تقدر تجاوبه .
احمد
ليست هناك تعليقات:
إرسال تعليق